نعرض لكم زوارنا أهم وأحدث الأخبار فى المقال الاتي:
بعد
اختيار
حسام
حسن
مدربا
للمنتخب،
جدل
بين
الجماهير
حول
أزمته
الأخيرة
مع
صلاح, اليوم الأربعاء 7 فبراير 2024 02:59 مساءً
حسام حسن، بعد الإعلان الرسمي عن اختيار حسام حسن ليصبح المدرب الجديد للمنتخب، خلفًا للمدرب المنتخب البرتغالي روي فيتوريا، الذي أعلن الاتحاد المصري لكرة القدم إقالته يوم الأحد الماضي، بعد خروج منتخب مصر من بطولة الأمم الإفريقية 2023، ثار التساؤل حول أزمته الأخيرة مع محمد صلاح لاعب ليفربول الإنجليزي.
أزمة حسام حسن ومحمد صلاح
اختيار حسام حسن ليصبح المدرب الجديد للمنتخب، دفع نشطاء مواقع التواصل الاجتماعي لإثارة علاقة حسام حسن بلاعب المنتخب ونجم ليفربول اللاعب محمد صلاح، وخاصة بعد تصريح حسام حسن السابق عن محمد صلاح، والذي قال فيه: "أنا لو مدير فني منتخب مصر، ومحمد صلاح، طلب السفر إلى ليفربول للعلاج كنت هقوله خليك هناك ومترجعش"
Advertisements
علق أحمد حسام ميدو على تولي حسام حسن تدريب المنتخب وعلاقته بـ محمد صلاح فقال: "أنا عن نفسي سعيد جدا أن حسام حسن مديرا فنيًا لمنتخب مصر.. حد هيرد عليا ويقولي ليه يعني هو عمل إيه في مسيرته؟ أنا بقول اتشرفت إني لعبت جنب حسام حسن وادربت تحت أيده وعارفه كويس.. حسام حسن هتضمن أن اللعيبة اللي نازله في اي مباراة هتطلع نار من بوقها من اول ثانيه لآخر ثانية وهيموتوا نفسهم.. حسام هيرجع لمنتخب مصر هيبته اللي فقدناها بقالنا سنين.."
وقال أحمد حسام ميدو "فيه ناس متخوفه من صدام حسام حسن مع محمد صلاح! لكن أنا بقولكم العكس.. حسام حسن هو المدرب الوحيد اللي هيقدر يطلع أفضل ما عند صلاح مع المنتخب وهيعرف يطلع منه أفضل حاجه ويقاتل شويه مع المنتخب مقارنة باللي فات، حسام حسن بيمثل قبلة الحياه لمحمد صلاح مع منتخب مصر"
حسام حسن يبقي على كهربا ويترك محمد صلاح
ورد ماجد قائلًا: "حسام حسن سيبقي على شوبير حارس ويلاعب الشحات علي صلاح وكهربا على مصطفي محمد"
أما أحمدوف فقال: "حسام حسن يخطط لزيارة محمد صلاح فى ليفربول قريبا للاطمئنان علي حالة الأسطورة صلاح"
وعلقت دودو فرغلي قائلة: "ده تصريح علي لسان وزير الرياضة بعدما اجتمع مع حسام حسن، وحسام قال إنه بيحترم محمد صلاح وبيحبه هو وكل المحترفين ولو فيه فرصة إن هو والجهاز بتاعه يروحو يزوروهم في أنديتهم لمساندتهم هيعملو كدة".
وقال محمد طاهر: " والله حسام حسن وغيره لن يتمكنوا من استبعاد محمد صلاح من اي معسكر، صلاح هو اللاعب الأهم والأفضل بمسافات، صلاح هيبقي اقوي فبلاش نخلق عداوة من لا شيء ونسيب الناس تشتغل"
في حين رد أحمد سلام فقال: "في وجود محمد صلاح المنتخب بتاعنا مقدرش يحقق البطولة الإفريقية اسم مصر، حسام حسن وجوده مهم لانه مش هيقبل بضغوط الاتحاد المصري ومحمد صلاح ولو تم إبعاد حسام حسن مش هيسكت"
وقال عبده القرشي: "العلاقة بين حسام حسن مع المحترفين بصفة عامة ومحمد صلاح بصفة خاصة ستكون علاقة مدرب ولاعب مبنية على الاحترام المتبادل والتعاون لصالح المنتخب، وأرى أن هذه العلاقة قد تكون سبب من أسباب وجود حسام وإبراهيم حسن مع اتحاد الكرة في مكتب وزير الشباب والرياضة قبل صدور قرار تعيينهما للمنتخب."
علاقة احترام تجمع حسام حسن ومحمد صلاح
أما ناصر بشير فقال: "هي الناس اللي عايزة المنتخب ينجح سواء كنا متفقين او مختلفين علي اختيار حسام حسن ليه بنحاول نخلق مشكلة أو حساسية مش موجودة من الأساس من وجهة نظري بين حسام حسن ومحمد صلاح مليار في المائة حسام حسن بيحترم صلاح ويقدره ولو يكون مدربه هيكون في تعامل عن قرب بين الطرفين، ومليار في المائة صلاح عارف قيمة حسام حسن كنجم تاريخي للمنتخب المصري والكرة المصرية وده لاعب بيلعب في أعلى المستويات واكيد له من الخبره في التعامل مع الاشخاص والمواقف، وصلاح محتاج المنتخب والمنتخب محتاج صلاح.. اتمني من بكرة الجهاز يشتغل وما يظهرش إعلاميا نهائي لغاية معسكر مارس"
وعلق أمير الأهلي فقال: "في ناس كتير كانت رافضه فكرة أن حسام حسن يبقي مدير فني للمنتخب بسبب انه مدرب حماسي وبيزعق بس ومعندوش فنيات...! هسألك سؤال: انت ليه بتحب الفيديوهات اللي بتشوف فيها مدير فني بين الشوطين بيدي محاضرة قوية للاعبين عن الانتماء والروح وانهم لازم يعملوا كذا وكذا لأن دي بلدهم؟! هل تعلم أن أبو تريكة وأكتر من لاعب طلع اتكلم ان حسن شحاته بين شوطين ماتش البرازيل كسر الأوضة بسبب ادائهم وانه مش جاي يخسر فرق اهداف كتير ويروح!"
حسام حسن يعرف لاعبي المنتخب أكثر
وعن الفنيات قال أمير "أما عن الفنيات حسام حسن بيمتلك فنيات وتطوير للاعبين ظهر فكل الفرق اللي دربها وقدر يعمل ماتشات ومستويات كبيرة لفرق القدرات الفنية والمادية مش اقوي حاجه يكفي انه قدر يوصل نصف نهائى الكونفدرالية بفريق المصري بلاعبين زي اسلام ابو سليمه ومحمد الشامي وعبدالله بيكا وفريد شوقي وإسلام صلاح وغيرهم كتير... اصبروا علي حسام وادعموه زي مادعمتوا حسام البدري وايهاب جلال وشوقي غريب."
ورد محمد حسن قائلًا: "داخلين كأس العالم بإذن الله دلوقت مطلوب مباريات والوقت مايسمحش لحد الدور والكاس متأخرين والأندية حترفض وعشان كدا حسام حسن مش محتاج لمباريات لأنه حافظ كل لاعيبة مصر وديما دماغه شغالة لدرجة أن ممكن يحط التشكيل وهو نايم في بيتهم صدقوني، أكثر واحد عارف إمكانيات اللاعيبة في جميع المراكز والناس اللي بتقول الاتحاد والمصري ماحقاقوش نجاح معلش انتم مافيش عندكم لاعيبة تنافس، ولا معاكم فلوس تشتروا لاعيبة يبقى ماتحلموش بإمكانياتكم دي تطلعوا الفضاء وهنا حسام حسن عنده فرصة يختار افضل افضل لاعيبة ويعمل توليفة رائعة، ترجعلنا ايام الجيل الذهبي ياريت نفكر في كل الاتجاهات"
وعن علاقة حسام حين ومحمد صلاح، قال محمد حسن "محمد صلاح وحسام حسن حايعملوا شغل كبير جدا وحاتبقى علاقتهم جميلة جدا، عكس توقع كل الناس، لأنهم ليهم اسم وسمعة دي ناس محترمة ورياضيين وعلى أخلاق عاليا وحسام كبير ودخلنا كأس العالم بهدف أمام الجزائر بالرأس وكان سبب في ضربة جزاء في مبارة هولندا وسددها مجدي عبد الغني وفضل يزلنا، ايضا محمد صلاح دخلنا كأس عالم بضربة جزاء حسام عمل تارخ جوة مصر صلاح ماعملهوش ومش حايعرف يعملوا، وصلاح عمل تاريخ خارج مصر حسام مايعرفش ولو رجع الزمن مش حيعملوا ربنا مابيديش كل حاجة احنا نستفاد من اللي عمل جوة ومن اللي عمل براة وأيد في ايد"
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.