ماجد الكدواني: وفاة أمي كسرني وعانيت من نوبات هلع 4 سنوات (فيديو)

بوابة فيتو 0 تعليق ارسل طباعة تبليغ حذف

نعرض لكم زوارنا أهم وأحدث الأخبار فى المقال الاتي:
ماجد الكدواني: وفاة أمي كسرني وعانيت من نوبات هلع 4 سنوات (فيديو), اليوم الثلاثاء 2 أبريل 2024 03:33 صباحاً

ماجد الكدواني، قال الفنان ماجد الكدواني: "أول حب بحياتي كنت في ابتدائي وحبيت واحدة كبيرة في الجامعة وكنت بحس بمشاعر مش فاهمها وعايز أفضل معاها علطول وأفرح لما أشوفها ولما تخرج عايز أقولها خديني معاكي وكانت مشاعر غريبة جدا وهي كانت جميلة وبنت ناس أصحابنا وصحاب بابا وماما".

قصة حب ماجد الكدواني

وأضاف خلال لقائه ببرنامج "بيج تايم بودكاست" الذي يقدمه عمرو أديب وأصالة بقناة "إم بي سي":"فضلت احب البنت اللي اكبر مني بأكتر من 10 سنين في صمت لإن حياتي غير حياتها، كنت طفل وقتها".

Advertisements

 

وتابع: "مدخلتش أي علاقة غرامية قبل مراتي، بس كان فيه حالات عاطفية بس بردو بالصمت من طرف واحد مكنتش قادر أواجه".
 

قصة زواج ماجد الكدواني

ولفت ماجد الكدواني: "نطقت مع مراتي لإني كنت خلاص قربت أتخرج من الجامعة وأعجبت بيها وحسيت إنها حاجة حقيقية، وقلت لها أنا معجب بيك وانتي لفتي نظري ولو ينفع نقرب ونعرف بعض أكتر قالت لي أنا مبفكرش في الموضوع ده خالص بس متعتبرش إنك تقاطعني ومتصبحش عليا فبقيت اصبح عليها كل يوم لإثبات حسن النية، وفي يوم قالت لي أنا صدقتك ووثقت فيك وحسيت فعلا إن مشاعرك حقيقية، وقالت لي لو عايز تتقدم تعالي لإن فيه ناس كتير بتتقدملي والحمد لله ربنا وفقنا واتجوزنا، وأنا بسمع كلام مراتي لما تبقى شايفة صح".

ولفت: "أبويا مكنش متشدد ولكن كان ملتزم وعلمني الالتزام وضربني مرة واحدة في حياتي لما خبيت الشهادة اللي كان فيها كحكة مادة التاريخ وضربني في اليوم ده وقال لي أنا مش زعلان إنك ساقط ولكن علشان خبيت، ورغم انه حنون وبيحتوي ولكنه فجأة انهار ومسك شماعة خشب وكسرها عليا ولذلك الكدب بقى يخوفني".

 

معاناة ماجد الكدواني بعد وفاة والدته

وأكد ماجد الكدواني: "وفاة والدتي نقطة تحول في حياتي، كانت ضربة قاسية جدا وحسيت إني إتعريت وإن ضهري اتعرى وعانيت 4 سنوات من نوبات هلع اضطرابي وتعالجت بالأدوية، قعدت أحارب مع أمي لفترة كبيرة في المستشفى وبالمعني البشري خسرت الحرب، ولكن فيما بعد فهمت إن ربنا معندهوش صدف كل حاجة كانت مترتبة واداني احتمال أنا اللي ضعيف كبشر ولكن ربنا لا يقصد إنه يصنع شرا".

ولفت: "قبل وفاة أمي بـ4 أيام كانت تديني دعوة حلوة ربنا يديك قبول في عيون الناس ويحبب خلقه فيك، وقبل وفاتها قالت لي تعالى عايزة اقولك دعوة حلوة هتنفعك علشان انت ممثل قالت لي روح يا ابني ربنا يِفرّج خلقِه عليك"

 نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية. 

أخبار ذات صلة

0 تعليق