قالت الفنانة ميار الببلاوي: "ابني حاول ينتحر لما كان عايز يخطب وبالفعل خطبها، وبعدين الموضوع مكملش وسابته".

 

ابن ميار الببلاوي

وأضافت خلال الجزء الثاني من لقائها ببرنامج "العرافة" المذاع على قناة "النهار":"أنا بحب ابني ومش قوية ولا مفترية، بس هي مشكلته خطيبته اللي سابته إنها كانت من أول يوم خطوبة بتقول له شوفلك حل في أمك وانا معملتهاش أي حاجة، هي كانت عسل وبنت ناس بس محبتنيش وحاولت معاها".

 

قصة خطيبة ابن ميار الببلاوي

وتابعت ميار الببلاوي باكية:"خطيبة ابني راحت جابت الدريس لوحدها وعملت ميك اب لوحدها وطول الوقت كانت بتوقع بيني وبين ابني، انا ست مشغولة أم وأب ولازم أصرف علي جوازة ابني وكنت بجهزلهم بيتهم وهي كانت تقول عليا إني شايفة نفسي عليهم وفي الآخر هو اقتنع إنها متنفعهوش وانا مدخلتش".

 

ولفتت:"ابني كان عايز البنت اللي خطبها وانا كنت بقول انها متنفعهوش، وكان نفسي أفرح بإبني واعتبر خطيبته أو مراته دي بنتي".

مشهد ميار الببلاوي بالمسلسل السعودي

وعن دورها الجرئ في المسلسل السعودي "أيام السراب"، علقت ميار الببلاوي:"المسلسل عربي سعودي ودرامي والسعودية ايامها كانت حاطة محاظير درامية ومشهد السرير لا انا قربت من الراجل ولا هو قرب مني، ولما لبست الباروكة في العمل قلعت الحجاب، لبست بونيه وفوقه الباروكة لإن المشهد انا نايمة وبيدخل واحد علشان يقتلني، والمشهد كان في منتهي الستر والإحترام هو متغطي بغطاء وانا متغطية بغطاء اَخر، وانا بحب التمثيل وأعتز جدا بأعمال أبو حنيفة النعمان والإمام الشافعي عبد الحليم محمود".

وتابعت:"أنا عمري ما قلعت الحجاب ومشهد السرير في مسلسل أيام السراب، معمول بمقاييس شرعية جدا ومكناش لازقين في بعض علي السرير، وانا مغلطتش ومنمتش جنب راجل غريب"
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.