نجوى فؤاد، قالت الفنانة نجوى فؤاد: "صرفت علي يسرا في بداياتها 3 مليون جنيه ودلوقتي اتخلت عني ومبتسألش عليا".

 

تجاهل يسرا لنجوى فؤاد

وأضافت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "لما يسرا بتسمع ان تعباني مبتسألش ولا بتطمن عليا".

 

مبلغ نجوى فؤاد الذي أنفقته على يسرا

وتابعت: "لو يسرا قررت تجيبلي الـ3 مليون جنيه اللي صرفتهم عليها دلوقتي هارفض لإني هاتعب إنسانيا، أنا عايزة احتاج لربنا مش احتاج لبشر".

 

دموع نجوى فؤاد

وحبست نجوى فؤاد دموعها قائلة: "أنا راضية عن كل حاجة ادهالي وخدها مني ربنا، والرضا أكبر ثراء في الدنيا وياريت أن الإنسان يكون راضي".

 

وصية نجوى فؤاد

ولفتت: "لو قررت اكتب وصيتي هاطلب ان مفيش عزاء يتعمل ليا باحضر عزاءات كتير بابقى حزينة ان اللي جايين العزاء بيتكلموا في قصص تانية خاصة بالحياة بعيدة عن المتوفى والعظة واللي بيتكلم في قصة الطبيخ، وانا اتمنى اروح لربنا وحيدة كما أنا وحيدة ويسامحني على كل حاجة غلط عملتها، ولو فيه بشر محتاجين الأعضاء بتاعتي بعد وفاتي فلست معترضة والحي ابقى من الميت، والإنسان لازم يؤمن ان فيه بداية ونهاية وفيه اَخرة وفيه ثراء وفقر".

رسالة قوية من نجوى فؤاد لغادة عبد الرازق 

ووجهت نجوى فؤاد، رسالة للفنان غادة عبد الرازق، قائلة: "بعد ما خلصت الفيلم وأنا لسه عيانة كنت منتظرة منك تليفون تسألي عليا اكلمك الاقي تليفونك مقفول اسأل عليكي الاقيكي مسافرة تيجي برضو مترديش على التليفون أنا زعلانة وأنا بحبك أوي".
 

ولفتت: "أنا أهملت في حق نفسي لإن فيه حاجات كتير كان لازم اعملها لنفسي ومعملتهاش ومعملتش حساب الزمن، وكان لازم اخد سكن تمليك مش إيجار".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.