مطربة تهاجم فنانين يروجون لأدوية التخسيس: «بتشتغلوا الناس»

المصرى اليوم 0 تعليق ارسل طباعة تبليغ حذف

لاقتراحات اماكن الخروج

هاجمت المطربة إيناس عز الدين الترويج لمنتجات وأدوية التخسيس من قبل مشاهير دون أن تكون مجربة منهم أو لها فائدة حقيقية.

وعبر حسابها الرسمي على موقع«فيسبوك» كتبت:«أنا كواحدة خسيت بعمليات تكميم معدة ونحت دهون حضرتك جايلي عايزني أعلنلك عن منتجات وأدوية تخسيس بأمارة ايه اشتغلك الناس يعني؟وحضرتك يا فنانة ياللي خسيتي بتكميم معدة وانتي يا إعلامية يا محترمة ياللي طبيعة جسمك ان وزنك مش بيزيد وانتي يانجمة النجوم ياللي طوب الأرض عارف أنك شافطة دهون بتعلنوا للناس عن أدوية ومنتجات تخسيس ما عدتش حتى على معدتكم أساساً ليه؟..هي معدة الناس وصحتهم وفلوسهم رخاص أوي لدرجة أننا نقولهم على حاجات لو ليها فايدة ما كنتوش خسيتوا بعمليات؟..بتشتغلوا الناس؟ طيب هل القرشين اللي أخدتوهم علشان تعلنوا يستاهلوا قصاد الناس اللي الأدوية دي هتأذيهم وتتعب معدتهم وتلخبط هرمونات جسمهم؟«.

وواصلت:«اتقوا الله وما تقولوش للناس على حاجة إلا لما تجربوها على نفسكم وتجيب نتيجة معاكم بالفعل من غير ما تأذيكم علشان عيب ربنا حطكم في مكانة المعروفين والمشهورين علشان تكونوا سبب في فايدة الناس مش ضررهم وإهدار مالهم».

واختتمت :«ابعدوا عن منتجات التخسيس اللهم بلغت اللهم فأشهد انا سنين اتأذيت منها وبسبب انواع كتير مختلفة المصري والمستورد والمصرح بيه واللي كله منتجات طبيعية وفي الآخر بتكتشفي أن أي منتج تخسيس إدمان لأن بتوقفيه بترجعي أكتر مما كنتي فتضطري ترجعي تاخديه تاني وتفضل حياتك بالشكل ده هرموناتك تتلخبط ويجيلك اكتئاب لأنه بيشتغل على خلايا المخ ده غير معدتك اللي بتتهري وقولونك اللي بيبوظ».

  • الوضع في مصر

  • اصابات

    185,922

  • تعافي

    143,575

  • وفيات

    10,954

أخبار ذات صلة

0 تعليق